Bukë e krypë e zemër

"Bukë, krypë e zemër" është një guidë e mirëfilltë e kuzhinës dhe kulinarisë shkodrane të të gjitha kohërave dhe rasteve.

Libri nuk është vetëm një koleksion recetash gatimi të mishit dhe peshkut, të brumërave dhe zarzavateve, të pijeve dhe ëmbëlsirave, por edhe një grumbullim i kujdesshëm dhe i përkorë i gjithë asaj trashëgimie shpirtërore që shoqëron kuzhinën me këngët, fjalët e urta, ritualet etj.

Për herë të parë në literaturën kulinare gjejmë në këtë libër edhe menytë për festat fetare: nga Krishtlindjet, Pashkët katolike dhe ato ortodokse te Bajrami apo Ramazani i komunitetit musliman, si dhe tavolinat me rastin e lindjeve, dasmave dhe vdekjeve.

Të gjitha këto këndvështrime në kuzhinën tradicionale dhe kulturën e të ngrënit të zonës së Shkodrës bëjnë që libri të vijë si një qasje e plotë mbi antropologjinë e ushqimit.

"Bukë, krypë e zemër" është një guidë e mirëfilltë e kuzhinës dhe kulinarisë shkodrane të të gjitha kohërave dhe rasteve.

Elektra Haxhia Çapaliku ka lindur në 1964 në Shkodër dhe ka një master në bibliotekonomi nga Universiteti i Tiranës. Aktualisht punon si specialiste e bibliotekës së Kuvendit të Shqiperisë. Është autore e 4 librave dhe një studiuse e vlerësuar për kontributin e saj në antropologjinë kulturore.